आरती मुंजोबाची

सुंदर टोपी मस्तकी कस्तुरीचा टिळक । यज्ञ पावीत अलंकृत यावरी पदक ।।
कटीसूत्राची मौज तेजस्वीकनक । कौपीवंत श्रेष्ठ तेणे प्रतिपालक ।। १ ।।
जयदेव जयदेव जय बटुवरीया स्वारी बटुवरीया चंद्राचे अविधान न कळे तवचरिया ।। धृ ।।

खुळ खुळ वाक्या वाजती घुळघुळ घागरिया । घणघण घंटा नादे दिसती साजरिया ।।
चपचप पाऊल टाकिती दिसती गोजीरीया । देखुनी मुनिजन भावे लागती तव पाया ।। २ ।।

रूप प्रकट करिशी लीला दाखविसी । ज्याला प्रसन्न होसी त्याला बहु सुख देसी ।।
ऐसा तुझा महिमा न कळे कोणासी । तुझी स्तुती वर्णितो राम विजय जोशी ।। ३ ।।