सुखकर्ता दु:खहर्ता वार्ता विघ्नाची नुरवी पुरवी प्रेम कृपा जयाची
सर्वांगी सुंदर उटि शेंदुराची कंठी झळके माळ मुक्ताफळांची ।। १ ।।
जयदेव जयदेव जय मंगलमुर्ती दर्शनमात्रे मन:कामना पुरती ।। धृ ।।
रत्नखचित फरा तुज गौरीकुमरा चंदनाची उटी कुंकुमकेशरा
हिरेजडीत मुगुट शोभतो बरा रुणझुणती नूपूरे चरणी घागरिया ।। २ ।।
लंबोदर पीतांबर फणिवरबंधना सरळ सोंड वक्रतुंड त्रिनयना
दास रामाचा वाट पाहे सदना संकटी पावावे निर्वाणी रक्षावे सुरवरवंदना ।। ३ ।।
No comments:
Post a Comment